Totoo na raw! Hiwalayang Heart Evangelista at Chiz Escudero, kumpirmado na umano

Larawan mula sa GMA News

Buwan pa lang ng Agosto ng umugong ang balitang hiwalay na ang aktres at fashion icon na si Heart Evangelista sa mister nitong si senador Chiz Escudero.
 
Noong una ay napansin ng mga netizens na inalis ni Heart ang kanyang apelyido sa kanyang pangalan sa Instagram pati na ang post ng aktres na tila wala na itong suot na wedding ring.

 
At nitong Lunes ay lumabas ang ulat mula sa Fashion Pulis na showbiz website ay kumpirmado na daw na hiwalay na nga ang dalawa, ito ay matapos ang pitong-taon na pagiging mag-asawa.
 
Sinabi din sa nasabing ulat na nagbigay na umano si Heart ng go-signal sa kanyang mga kaibigan at kakilala na kumpirmahin na ang totoong estado ng relasyon kay Chiz.
 
Samantala, hindi binanggit sa balita kung dumadaan na sa legal na proseso ng hiwalayan ang dating mag-asawa.
 
Sa mga naunang ulat ay pinabulaanan ng mga malalapit na kaibigan ni Heart ang balita, gayundin ang ina ng aktres at sinabing okay na okay ang relasyon nina Chiz at Heart. 

 
Pareho lamang daw abala ang dalawa sa kanilang mga trabaho lalo pa’t maraming engagements si Heart sa ibang bansa at mga endorsements.*
 
At magmula nang nagbukas ang 19th Congress ay abala na rin daw si Senator Chiz sa Senado. 
 
Matatandaan na lumabas din ang chismis na tila may third party na involved sa relasyon ng dalawa.
 
Sa isang YouTube vlog episode ng showbiz host at komedyanteng si Ogie Diaz, chinika niya na mayroon daw umano siyang source na nagpakita sa kanya ng larawan ng babae na isa daw abogado.
 
"May nag-send sa akin ng picture 'nung girl. Siyempre hindi naman ako, Ay 'wag kang maingay, siya 'yun.. Aah, may gano'n,"  ani Ogie

 
"Siyempre since pribadong tao yun, hindi para ilabas natin dito. Kasi baka mali 'yung picture 'di ba? Maiskandalo 'yung pamilya. Pero parang ano rin yata 'yun, lawyer din ata yun," dagdag pa ng host
 
Natanong din sa nasabing episode kung maganda ba ang babae na involved daw sa umano’y hiwalayan.

 
"Siguro hindi sila magkamukha. 'Yung magkasing ganda e hindi rin naman sila magkasing ganda. Mayroong sariling ganda 'yung girl, May sarili ring ganda si Heart. So nasa mata naman ng tumitingin 'yun," ayon kay Ogie