 |
| Larawan mula sa GMA at PEP |
Buwan pa lang ng Agosto ng umugong ang balitang hiwalay na ang aktres at fashion icon na si Heart Evangelista sa mister nitong si Chiz Escudero.
Noong una ay napansin ng mga netizens na tinanggal ni Heart ang kanyang apelyido sa kanyang pangalan sa Instagram at may mga post din umano ang aktres na wala na siyang suot na wedding ring.
At noong nakaraang Thanksgiving Gala Night ng GMA-7 ay may mga nakapansin din na tila malungkot ang aktres at tila wala ito sa mood.
Ayon naman sa isang article ng PEP, naitanong na din sa mga malalapit na kaibigan ng mag-asawa kung may problema ba ang dalawa sa kanilang relasyon, ngunit agad naman daw itinanggi ito ng mga napagtanungan.
 |
| Larawan mula sa Preview Ph |
Pareho lang daw na abala ang dalawa sa kanilang mga trahabo.
Magmula nang nagbukas ang 19th Congress ay abala na raw si Senator Chiz sa Senado, at si Heart naman ay puno na rin daw ang schedule, kaya bihira lang sila nagtatagpo.
Tila napapadalas rin ngayon ang aktres sa Paris, France kung saan ay napabalita na bumili daw ito doon ng sariling apartment. Marami din daw meeting at mga nakatakdang pictorial si Heart.*
Okay na okay daw ang mag-asawa kaya naman wala rin maisagot si Heart sa mga nagtatanong sa kanya tungkol sa balitang hiwalay na sila.
Samantala, lumabas din ang chismis na tila may third party na involved sa relasyon ng dalawa.
Sa isang YouTube vlog episode ng showbiz host at komedyanteng si Ogie Diaz, chinika niya na mayroon daw umano siyang source na nagpakita sa kanya ng larawan ng babae na isa daw abogado.
"May nag-send sa akin ng picture 'nung girl. Siyempre hindi naman ako, Ay 'wag kang maingay, siya 'yun.. Aah, may gano'n," ayon pa sa komedyante
"Siyempre since pribadong tao yun, hindi para ilabas natin dito. Kasi baka mali 'yung picture 'di ba? Maiskandalo 'yung pamilya. Pero parang ano rin yata 'yun, lawyer din ata yun," dagdag pa ng host
"Kasi ang chika pa, chief of staff 'ata," ayon naman sa kasama niyang host na si Jegs
Nang tanungin naman kung maganda ba ang babae, sinabi niyang hindi raw ito kahawig ni Heart.
"Siguro hindi sila magkamukha. 'Yung magkasing ganda e hindi rin naman sila magkasing ganda. Mayroong sariling ganda 'yung girl, May sarili ring ganda si Heart. So nasa mata naman ng tumitingin 'yun," ayon kay Ogie
