Agad na nag viral ang isang video kung saan ay pinaulanan ng mura ng isang kostumer ang manager ng isang fast food chain.
Sa video ay nagalit ang lalaking kostumer nang pakiusapan siya ng empleyado na umabante muna dahil pitong minuto pa ang aantayin para sa kanyang order na pagkain at para maserbisyuhan ang iba pang nakapila sa drive thru.
Kapansin-pansin na malumanay na sumasagot at nagpapaliwanag ang manager sa lalaki na ise-serve na lang sa kanya ang order kapag ready na ito, ngunit galit na galit agad na sumagot ang kostumer.
Panay mura ang natanggap ng babaeng manager mula sa lalaki at pinagbantaan pa ito na matatangal ito sa trabaho kinabukasan.
“Tanggal ka na bukas. Drive thru to, bakit mo ako papunpuntahin don?” ayon sa lalaki na sinagot naman ng manager na 7 minuto pa bago lumabas ang order nito
“Ggo ka. Nagda-drive thru kayo papupuntahin mo ako doon?! Sa sampung order ko papunpuntahin mo ako don? Alam mo magkano gasolina? Nag-iisip ba kayo? Ggo ka. Manager ka? Kausapin mo mga tao mo ha. Kung wala kayong drive thru, patanggal n’yo na ‘to,” sagot naman ng lalaking nasa kotse *
Sa kada mura na ibabato ng kostumer ay “thank you” naman ang sagot ng babaeng manager at nangako na bibigyan nalang niya ng feedback ang kanyang mga crew.
Hiningi din ng lalaki ang calling card ng manager ngunit first name lang daw ang maaaring ibigay nito dahil na rin sa data privacy act.
Sa bandang huli ay nagpakilala ito na isa siyang mystery customer at pinangaralan ang manager na huwag nang paatabihin ang drive thru customer sa kalsada dahil hindi ito pag-aari ng fast food.
Bago umalis ang lalaki ay binalaan pa nito ang manager na kalmado pa rin hanggang sa huli na maghanap na ito ng trabaho kinabukasan mismo.
Maraming netizen ang galit na galit sa lalaki dahil sa pinakita nitong kayabangan at kung paan nito trinato ang babae.
Hinangaan naman ang manager dahil sa kanyang pagiging kalmado at professional habang kausap ang kostumer.
