 |
| Jayvee Ayen (kaliwa), Batch 2022 Top 1 at Magna Cum Laude graduate ng Camarines Sur Polytechnic Colleges (CSPC) at Mariyela Mari Hugo (kanan), Cum Laude graduate naman ng Far Eastern University (FEU) noong 2019 |
Kalat na kalat ngayon sa social media ang isang video ng umano'y
plagiarized valedictory address ng isang magna cum laude graduate ng isang
kolehiyo sa Camarines Sur nitong July 2022, na kinopya daw niya mula sa valedictory
speech naman ng isang cum laude na nagtapos naman sa isang kilalang pamantasan
sa Maynila noong 2019.
Ang mga bida sa nasabing TikTok video ay si Jayvee Ayen ng Camarines
Sur Polytechnic Colleges (CSPC) na nakatapos ng kursong Bachelor of Science in
Entrepreneurship, at si Mariyela Mari Gonzales Hugo na nagtapos naman ng
Bachelor of Secondary Education, Major in English ng Far Eastern University (FEU).
Kapansin-pansin na halos pareho ang mga salita at ang tono
ng pagbigkas. Naiba lamang ito para maging akma sa sitwasyon kagaya ng kurso,
taon, at lugar kung saan sila nag-aral at nagtapos.
“A magna cum laude who can't write his own speech. Hindi 'to
basta basta "lang" nakakahiya.” Ayon pa sa caption ng uploader ng
nasabing video na si @keiadreyes.
“Mariyela Mari Hugo (the one wearing green) is the original
speaker and author. She's from FEU (july 2, 2019)" dagdag pa niya sa
caption*
Nanawagan din ang uploader sa paaralan: “Camarines Sur
Polytechnic Colleges, please do something about this.”
Narito ang bahagi ng speech ng dalawa na magkapareho:
Mariyela: “Lang. The short term for the Filipino word
'lamang' which means just or only.”
Jayvee: “Lang. A shortened Filipino word for 'lamang' which
means mere, just, or only.”
Mariyela: “'Yan lang. Ito lang.”
Jayvee: “'Yan lang or ito lang.”
Mariyela: “Ah, MassCom lang, video-video, tapos endo after
ng project. Management lang? Di ba, puro plan lang yun tapos magsusulat kayo
dun ng mga number? Ah, alam mo ang hina mo, mag-Educ ka na lang kaya?”
Jayvee: “Entrep ka lang. Di ba, tinda-tinda lang 'yan?
Office Ad ka lang. Ah, sulat-sulat, encode-encode lang. Tourism ka lang,
usher-usherette, taga-smile lang. HM ka lang, di ba lutu-luto lang 'yan?”
Mariyela: “But what does this imply? Knowlegable people
shouldn’t be teachers? I shouldn’t teach because I won’t get rich from it? Who
should be teachers then?”
Jayvee: “Does this implies [sic] that intelligent people
should not be in the field of hospitality, tourism, and business management?”
Mariyela: “Our profession is deemed unusual, impractical,
easy.”
Jayvee: “Does this indicate that business management are
[sic] impractical, basic, and easy?”
Mariyela: “I beg to disagree.” *
Jayvee: “I beg to disagree.”
Samantala, agad namang nagbigay ng pahayag ang pamunuan ng
CSPC kay Mariyela kaugnay sa nasabing kontrobersya.
“The issue on the Valedictory Address of Mr. Jayvee Ayen has
been dragging for days, especially in the social media/virtual world.
“A world we have to contend with aside from the
real/physical one we have.
“A world that is sometimes more harsh than what we have in
the daily grind.” Ayon sa panimula ng pahayag
Humihingi ang pamunuan ng CSPC ng tawad sa nagawa ni Jayvee
na wala naman daw intensyong kopyahin at ideya ng talumpati ni Mariyela nang
walang tamang pagkilala sa orihinal na may likha nito.
“With all that has been said and done and on behalf of Mr.
Jayvee Ayen, we apologize to Ms. Mariyela Mari G. Hugo for the carefree
attitude of Mr. Ayen in unintentionally copying the idea and style of her
speech without proper attribution" ayon sa CSPC
Humingi din sila ng paumahin sa mga tao o grupo na maaaring
naapektuhan sa pangyayari.
“We apologize to all other individuals and entities who may
have been offended and affected by this issue.”
Marami man ang nag-alburutong mga netizens dahil kanilang
napanood na video, marami din ang nakikiusap na sana ay palipasin na lang ito.
