Sa mga Pilipino, hindi talaga nawawala ang mga taong mahilig
pumuna at mag usisa ng buhay ng iba, na siguro nga ay likas na o di naman ay
nakagawian na ng karamihan sa atin.
Kaya madalas ay nagkakaroon ng alitan ang mga kaibigan o di
naman ay nakakasakit na tayo ng damdamin ng ating kapwa.
Ito ang naging kwento ng isang lalaki na factory worker na nagngangalang
Raul at siya ay walong taon nang namamasukan sa pagawaan.
Ayon kay Raul, madalas daw siyang napapansin at inaasar ng
mga kasamahan sa trabaho dahil sa kanyang baon na pagkain araw-araw. Ang ulam
kasi ng masipag na trabahador ay tuyo at itlog lamang.
Kung ang iba ay masarap ang ulam lalo na kung bagong sweldo,
kakaiba si Raul dahil kahit may sahod na ganoon pa rin ang kanyang ulam, at iyon
ay sa walong taon niyang pag tatrabaho sa factory, iyon at iyon lang daw talaga
ang ulam niya.
Gayunpaman, kahit inaasar at pinagtatawanan ng mga kasamahan
ay hindi nagalit ni minsan si Raul, bagkus ay ngumingiti lang siya sa mga ito tuwing
magiging sentro siya ng pang aasar.
Sinabi naman ni Raul na kaya naman daw niyang bumili ng
masasarap na pagkain ngunit siya ay nagtitipid dahil sa may importante siyang
bayarin.
Kahit matagal na sa factory ay wala daw siyang naging kaibigan
dahil nilalayuan siya ng mga kasamahan at madalas nga ay pinaparinggan pa siya
ng mga ito, kasama na doon ang kanilang team leader na si Reah.
Lumipas ang ilang araw ay bigla nalang daw hindi pumasok si
Raul matapos siyang hiyain mismo ng kanyang team leader na si Reah sa harap ng
maraming tao.
At isang gabi ay pinatawag ng kanilang head manager ang lahat
ng mga team leader sa factory, dahil may mahalagang anunsiyo ang management. At
ang anunsiyong ito ay tungkol sa bagong papasok na supervisor na itatalaga sa
grupo ng departamento ni Reah.
Laging gulat ng lahat lalo na ni Reah nang ipakilala si Raul
na bago nilang supervisor. Agad namang nakaramdam ng hiya si Reah at humingi ng
tawad kay Raul.
At dahil wala siyang kaibigan sa factory ay wala ding nakakaalam
na isa palang working student si Raul, kaya naman ganun nalang ang pagtitipid
nito para mairaos ang kanyang gastusin sa pag aaral.
Agad ring humingi ng paumanhin ang mga dating kasamahan sa
kanya. Kaya sana, ang kwento ni Raul ay maging aral sa lahat na huwag agad
manghuhusga ng kapwa.
