Ayon nga sa kilalang kasabihan, hindi mahalaga ang hitsura o
anyo ng isang tao hangga’t mayroon silang mabuting kalooban. Gayunpaman, aminin
na natin na mas marami pa rin ang nais makatagpo ng kapareha na kung di man guwapo
at iyong maipagmamalaki mo ang pisikal na hitsura.
Ikaw, paano mo ba ilalarawan ang lalaking iyong pangarap?
Ang sabi naman ng iba, mas okay na humanap ka ng lalaking pangit
para wala kang kaagaw at tiyak na ikaw lang ang mamahalin niya. Ito rin ang
madalas na sinasabi ng mga babaeng nasaktan na dahil nag mahal ng lalaking
gwapo.
Ngunit hindi pala laging totoo ang mindset na ito, dahil may
isang lalaki sa bansang Uganda na kilala bilang ang pinakapangit na lalaki
ngunit mayroon na siyang tatlong asawa!
Ang 47-anyos na lalaki mula sa Uganda na nagngangalang
Godfrey Baguma na kilala rin bilang Ssesabi, ay nanalo sa world's ugliest man
competition. Taong 2002 nang makuha niya ang nasabing titulo.
Ayon sa mga ulat, sumali si Godfrey sa nasabing kompetisyon
dahil alam niyang malaki ang maitutulong ng premyo na makukuha para sa kanyang
pamilya. At siya nga ang nanalo at nakapag uwi ng premyo.*
Hindi lang ang titulo at premyo ang nasungkit ni Godfrey kundi
pati ang puso ng marami. Napatunayan ng kwento ni Godfrey na ang mga gwapo lang
o may hitsura ang maaaring makaranas ng pag-ibig at kasal.
Si Baguma na tinatawag bilang "Ssesabi" na
nangangahulugang pinakamasama sa pinakamasama, ay nang gulat ng maraming tao
nang mag viral ang mga larawan na kuha sa kanyang ikatlong kasal.
Makulay at masaya ang naging ikatlong kasal ni Godfrey sa
kanyang ikatlong asawa.
Nanatiling misteryo ang mga detalye kung kailan at saan
ginanap ang seremonya ngunit isang bagay ang sigurado, masayang masaya ang
bagong kasal base sa kanilang mga larawan.
Bago ikasal sa ikatlong babae si Godfrey ay naging asawa
niya ang ang 30-anyos na babae na nagngangalang Kate Namanda at mayroon siyang
limang anak dito at dalawang anak naman sa unang asawa. *
Napag alaman na iniwan ni Godfrey ang kanyang unang asawa
matapos niyang mahuli ang panloloko nito sa kanya.
Si Godfrey ay dumadanas ng isang pambihirang kondisyon sa kalusugan
na siyang naging sanhi ng pagka deform ng kanyang mukha.
Ayon sa isang medikal na eksperto, pagkatapos ng isang MRI
scan, nalaman nila na siya ay dumaranas ng isang pambihirang kondisyon na
tinatawag na fibro dysplasia, isang sakit na nakakaapekto sa paglaki at
paglalagay ng mga cell at tissue ng katawan.
“As a result of the abnormal shape of his head, part of his
brain was under pressure. His posture also put pressure on his chest which made
it difficult for him to breathe,” ayon kay Dr. Wilson
Kahit ganito ang kanyang kalagayan, hindi hinayaan ni Godfrey
na hadlangan ng kanyang anyo ang kanyang kaligayahan at pag abot sa kanyang mga pangarap.
Ngayon ay masaya na siyang namumuhay kasama ang kanyang ikatlong
asawa. Maliban dito, nakilala rin si Godfrey ng publiko bilang entertainer,
komedyante at mang-aawit.
