Isang Pilipina ngayon ang namamayagpag sa bansang Canada sa
larangan ng fashion design. Siya ay si Genette Mujar, at proud owner at CEO ng
Gnetz Design, ang clothing line na kanyang pinaghirapang itayo sa nasabing
bansa.
Pero bago siya nakilala sa pagdidisenyo ng mga damit ay nag trabaho
muna siya bilang isang caregiver.
Si Genette ay tubong Daraga, Albay at nag aral sa Bicol
University. Bata pa lang daw ay mahilig na siyang mag style ng mga damit at
pangarap na niya ang fashion design, ngunit dahil marami silang magkakapatid,
hindi siya nakapag tapos sa kursong ito.
“Maraming nagtataka kung paano ko nagawa ‘yung transition
from caregiver to fashion designing. At sabi ko, it's been my passion ever
since. Naantala lang kasi syempre, hindi tayo kasing yaman ng iba,” ayon kay
Genette sa isang panayam ng Summit OG
“Ang ginagawa ko na lang, since I am the third girl in the
family, sa lahat ng pinagliitan nila, iyon ang sinasalo ko.
“Sometimes may mga punit na, outdated na, so, nire-restyle
ko siya. And kailangan kong matutong manahi sa manual machine ng nanay ko.
 |
| Larawan mula kay Genette Mujar |
“Estudyante pa lang ako, sumasali na ako sa mga prestigious
fashion shows.” Pag babalik-tanaw ni Genette
At dahil agaw-pansin ang kanyang style ay nagtatanong ang
kanyang mga ka-klase noon kung saan niya nabili ang kanyang mga damit, at ang
kanyang sinasagot sa kanila ay "It's from Gnetz," , at dito nga nag
mula ang pangalan ng kanyang brand.
Pansalamantala muna niyang isinantabi ang kanyang pangarap upang
makipag sapalaran sa ibang bansa para sa kanyang mga anak, ngunit hindi daw ito
naging madali.
Naranasan niyang mag trabaho sa Taiwan at saka lumipat ng Hong
Kong, kung saan naman ay naranasan pa niyang palayasin ng kanyang amo.
“Yung family na napuntahan ko, pagtatrabahuhin ako mula alas
sais hanggang alas diyes ng gabi.
 |
| Larawan mula kay Genette Mujar |
“Tapos, noong kinuwestyun ko sila kung bakit yun lang ang na-receive
kong suweldo noong first month, nagalit sila.
“Hatinggabi pinalayas ako...” emosyonal na kwento ni Genette
Mabuti nalang daw at mayroon siyang kakilala doon na sumundo
sa kanya sa gilid ng kalsada.
At noong 2007 nga ay lumipat siya sa bansang Canada at doon
nag simulang mag trabaho bilang isang Caregiver.
Kwento pa ni Genette, ang kanyang kinikita noon ay sapat
lang talaga upang tustusan ang kanyang pamilya na naiwan sa Pilipinas. Gayunpaman,
sinikap niyang panatilihing buhay ang kanyang pagkahilig sa pagdidisenyo ng damit.
Madalas daw siyang pumunta noon sa mga thrift stores para
maghanap ng mga lumang style na damit at iyon naman ang kanyang ire-restyle.
“Noong nag caregiver ako, I loved all the kids kasi ginagawa
ko silang fashionistas.” Aniya
 |
| Larawan mula kay Genette Mujar |
At matapos ang ilang taon nag pagsusumikap, nagpasya siyang
ituloy ang naudlot na pangarap. Kumuha umano siya ng loan upang maipang bayad
sa gastusin sa kanyang pag aaral ng fashion design sa Canada.
At habang nag aaral siya noon ay maraming part-time job ang
kanyang pinasok upang kumita ng extra.
“Kahit anong trabaho, mga part time, cleaning, cooking,
babysitting tinatanggap ko. There was a time I worked in nine families. Takbo
dito, takbo doon.”kwento ni Genette
At kahit maraming hirap ang kanyang napag daanan, aniya, wala
siyang pinag sisihan sa kanyang mga naging desisyon at ito umano ang pinaka
magandang nangyari sa kanyang buhay.
“Magaan ang pananahi, nabago nito ‘yung buhay ko. Wala akong
pinagsisisihan. I’m so grateful. Ito ‘yung pinakamagandang nangyari sa buhay
ko–na mabigyan ako ng chance na makapag aral, na-recognize ako ng mga tao.”
| Larawan mula kay Genette Mujar |
Ang kahanga-hangang kwento ng tagumpay ni Genette ay
nagpapatunay na anuman ang iyong edad, kung ikaw ay magsusumikap, siguradong
makakamit mo ang iyong pangarap at tagumpay na inaasam. *
