Buntis na misis, naghanap ng ibang babae upang may mag-alaga sa kanyang mister

Ang pagseselos ay bahagi na ng isang relasyon at hindi ito maiiwasan ng mga taong nagmamahalan. Ngunit hindi rin mabuti ang sobrang pagseselos lalo na kung wala namang tamang dahilan upang gawin ito.

Samuel Dzul at Khuzatul Atiqah / Photo credit: TiQa Ummimerahjambu Facebook

Ang sobrang pagseselos na wala sa lugar ay nakakasira rin ng relasyon at nagiging dahilan ng hiwalayan.

Samantala, kakaiba ang isang misis mula sa Shah Alam, Malaysia na si Khuzatul Atiqah dahil hindi ito selosa at siya pa mismo ang naghanap ng ibang babae upang maging pangalawang asawa ng kanyang mister.

Ayon sa Rachfeed, noong nabuntis si Khuzatul ay napansin niyang laging pagod galing sa trabaho ang kanyang mister na si Samuel Dzul.

Samuel Dzul at Khuzatul Atiqah / Photo credit: TiQa Ummimerahjambu Facebook

Bilang haligi ng tahanan, kailangan ni Samuel ang magpursige sa pagtatrabaho lalo na’t magkakaroon na sila ng anak ng kanyang misis. Dahil buntis ang kanyang asawa ay siya narin mismo ang gumagawa ng mga gawaing bahay.

Dahil dito ay hindi maiwasan ni Khuzatul ang mag-alala sa kanyang mister. Medyo sensitibo kasi ang kanyang pagbubuntis kaya naman hindi na raw niya magampanan ang pagiging mabuting misis. Kaya naisip niyang maghanap ng pangalawang asawa para sa kanyang mister.

Pareho namang Muslim ang dalawa kaya hindi isyu sa kanilang ang pagkakaroon ng dalawang asawa ni Samuel.

Isa sa mga prospect ni Khuzatul ay si Nur Fathonah na isang singe mom. Aniya, magiging perfect second wife umano si Nur kay Samuel at pakiramdam niya ay magkakasundo silang dalawa.

Ayon kay Nur, nagulat raw siya ng matanggap niya at mabasa ang mensahe ni Khuzatul. Aniya, hindi raw niya naisip na ikakasal ulit siya. Ngunit nung magka-usap silang tatlo ay pumayag narin si Nur.

Nur Fathonah, Samuel Dzul and Khuzatul Atiqah / Photo credit: TiQa Ummimerahjambu Facebook

Pagkatapos ng kasal nina Samuel at Nur ay naging maayos naman raw ang kanilang pagsasama. Masaya na raw si Khuzatul dahil meron ng mag-aalaga kay Samuel at nakahanap pa siya ng bestfriend.