 |
| Screencap photos from GMA Public Affairs |
“Dahil sa ECQ po, Nawala po yung ipon namin, pampagawa po
dapat sa bahay. Nalungkot po ako na nawala po iypng ipon namin. Kasi alkansiya
ko po iyon, pinaglaanan ko po talaga iyon.” Kwento ni Kuya Bon, isang magtataho
sa UP Diliman.
“Pero sa ngayon, ito nandito tayo ngayon sa sitwasyon na
krisis, doon ko Nakita na ang kabutihan ng asawa ko ay namunga. Kumabaga sa
buto ng mustasa siya nagsimula.” naluluhang pahayag ng misis ni kuya Bon.*
“Kung gaano kaliit ng buto ng mustasa, biglang lumago iyon at
namunga siya nang napakarami,” Dagdag pa nito.
Sa halos dalawang dekada nang pagtitinda ng taho ni Bon Gaufo
sa University of the Philippines, sa College of Human Kinetics o CHK si kuya
Bon madalas nakapwesto. Kung saan kumikita daw siya ng P1,000 – P1,500 araw-araw bago ang
pandemya.
Ngunit nang magdeklara ng Enhanced Community Quarantine o
ECQ sa buong Metro Manila, naging napakahirap para kay Kuya Bon dahil tatlong
buwan siyang walang kinita gaya rin ng ibang mga vendors sa paligid ng UP
campus.
Ani kuya Bon, “Mas maganda pa po noon, kasi noon mabilis
lang po kumita. Ngayon po, mahirap po. Parang lahat naghihirap na.”
“Napakalaking nawala po, Nawala na ang mga suki ko, mga nasa
probinsya na.” Dagdag pa nito.
Nakapag-ipon pa si kuya Bon noon ng halagang P15,000.00 para
sana maipagawa ang bahay nila. Ngunit dahil sa krisis dahil sa coronavirus,
nagamit nila ng kanyang pamilya ang kaunting pera na naitabi.
“Dati po, nakaka-dalawang balik ako, sa umaga at hapon. Dalawang balik ako magtinda. Maganda po ang
kita noon.” Kwento ni kuya Bon.
‘Noong ECQ po, nasa bahay lag po kami. Tatlong buwan po
kaming naka-stand by sa bahay. Para kaming preso nakakulong lang sa bahay.” Anito.*
“Dahil sa ECQ po, Nawala po iyong ipon naming na pampagawa
po dapat sa bahay. Medyo nalungkot po talaga ako. Pinambili naming ng bigas,
ulam.” dagdag pa nito.
Isa lang si kuya Bon sa milyon nating mga kababayan ang nawalan
ng trabaho at pagkakakitaan. Bagaman may ayuda man ang ating gobyerno, ngunit
ito sapat para sa bawat kumakalam na sikmura ng bawat Pilipino dulot ng
pandemya.
Ngunit alam naman nating lahat na tayong mga Pilipino ay
sobrang madiskarte at magaling humanap ng paraan, ika nga ay, napaka-resilient
naitng mga Pinoy sa gitna ng bawat unos o krisis na dumadating sa ating buhay.
Hindi naging hadlang ito para magpamalas ng diwa ng
bayanihan ang mga suki ni kuya Bon at tinulungan ang kanilang suking magtataho.
Nakakataba ng puso ang ginawa ng mga suki ni kuya Bon. Nagtulong-tulong
ang mga estudyante, atleta, at alumni, sa
pamamagitan ng isang donation drive hanggan ang mga ito ay makalikom ng
halagang P102,951 ang UP Student Council. Na siyang pinambili ng kaunting mga
groceries at bigas na kanilang ipinamahagi sa mga pamilya ng empleyado at
maging ang mga vendors sa loob ng UP campus ay nabiyayaan din kabilang na nga
si kuya Bon.
“Mayroon po sa akin mga nagpapadala, mga suki ko po, mga
varsity, student council ng CHK, mga dating estudyante po, mga empleyado po.
Grocery, bigas, mga de lata.” ayon kay Kuya Bon. *
Para estudyante ng UP, “si Kuya Bon ay naging parte na ng
buhay ng lahat ng mga estudyante ng UP. Kahit hindi sila CHK students, kahit sa
ibang colleges sila, kahit may PE class lang sila, he gives joy po to everyone.”
Pahayag ni Ms. Angela Villamil, Chairperson, CHK Council.
Mahigit 50 families ng CHK ang nabigyan ng munting nakayanang
ayuda kanilang ang mga nagtitinda ng lumpia, karyoka, kwek-kwek at iba pa.
Dagdag pa ni Angela, ang kanilang bayanihan drive ay hindi
lamang limitado sa mga kakilala nilang vendors bagkus ito ay kanilang pinamimigay
kahit sinoman na nangangailan.
“Alam po naming na lahat tayo ay nahihirapan during this time,
and madami po sa kanila, nag-reach out po talaga sa amin, na nanghihingi po ng
tulong, kahit konting ayuda lang po.”
“Kahit na ang tingin ninyo ay maliit lang iyong tulong na magagawa ninyo, it can go a
really long way po.” Ani ng president ng CHK Student council.
“Magsimula lang po sa maliliit na bagay, it can grow into sa mas
malalaking mga matutulungan po.” Dagdag pa nito.
Malaking tulong na daw ito para sa pamilya ni kuya Bon. “Hindi
ko akalain iyong itinanim ng asawa ko na sobrang liit, tinaniman nya ng kabutihan." *
"Pero hindi ko inaasahan iyon at hindi ko naman sila kakilala. Mayroon talagang
mga estudyante, dating empleyado, mayroon pang taga ibang bansa na willing
silang tumulong. Magpapadala sila ng cash.” Mangiyak-ngiyak na kwento ng misis ni
kuya Bon.
Dagdag pa nito, tumulong din ang UP Men’s Judo Team at
Fearless Judo Club, at nabigyan din ng pedicab si kuya Bon.
Kaya naman sa kasalukuyan ay balik pagtitinda na si kuya
Bon. Ngunit sa ngayon, half day lang nakakapagtinda ito at depende pa raw sa
dami ng customer. Kumikita ng P500-P800 ang sikat na magtataho. Medyo
makakaluwag na daw sila dahil sa tuloy-tuloy na ang kanilang pagtitinda.
Labis na pagpapasalamat ang mensahe kuya Bon sa lahat ng
tumulong sa kanila. Naubos man ang kanilang ipon, kahit papaano ay nakakaraos
pa din kahit sa gitna ng krisis.
 |
| Screencap photos from GMA Public Affairs |
