 |
| Mga larawan mula sa Facebook at Pinterest |
Pangkaraniwang problema na marahil ng marami nating
kababayan ang nakakainis at nakakahiyang sakit sa balat na kilala sa tawag na kulugo
o “warts” kung tawagin.
Karamihan pa nga sa atin ay napagkakamalang nakukuha ang
kulugo mula sa paghawak ng palaka. Ngunit punabulaanan naman ito ng mga eksperto
sa balat. Ayon sa isang dermatologist na si Dra. Jean Marquez, ang kulugo ay
tumutubo sa balat dulot ng Human Papilloma Virus o HPV na maaaring makahawa. *
Ano nga ba ang sanhi ng kulugo o “warts”?
Ayon kay Dra. Jean Marquez, nagmumula ang kulugo mula sa
pagkalat ng HPV, na syang nagdudulot ng pagdami ng kulugo. Nakukuha ang warts mula
sa direktang pagkakadikit sa apektadong bahagi na may kulugo or skin to skin
contact. Maaring kumalat ang kulugo
kapag hinawakan ng ating kamay ang parte ng ating katawan na mayroong kulugo.
Mabilis na kumakalat ang kulugo dahil ito ay nakakahawa gaya
na lang nang paggamit ng tuwalya o mga personal na gamit ng taong mayroon nito.
Dagdag pa ng Dermatologist, nagmumula din ang pagkakaroon ng
kulugo dahil sa maling pag-aalaga at paglinis ng katawan ng isang tao o yung
tinatawag na poor hygiene. Ani pa ni Dr. Jean, ang virus ay maaring mabuhay sa ating
kapaligiran, at maaring kumapit sa ating katawan.
Ilang uri ng kulugo ang maaring tumubo sa katawan ng tao
Bagaman, iisang uri lamang ng virus ang nagiging sanhi ng kulugo
ang madalas kumakapit sa balat ng tao, mayroon naman itong iba’t-ibang klase
nito depende sa itsura ng kulugo at kung saan ito tumubo, ayon sa pag-aaral.
Ang mga sumusunod ay ang mga uri ng kulugo na makikita madalas sa tao:
1. Plantar warts – Karaniwan itong tumutubo sa ating
talampakan. *
2. Genital warts – Kadalasang tumutubo ito sa ari ng babae,
at ang pangatlo ay ang
3. Filiform warts – naman ang tawag sa kulugo na madalas
tumutubo sa leeg at mukha. Ito ay maliliit at kadalasan kumpol-kumpol.
 |
| Mga larawan mula sa Youtube/Pinoy MD |
Paano nga ba magagamot at matatanggal ang kulugo?
Naging karaniwan ng ginagawa ng nakararami na ang simpleng
kulugo ay maari nang gupitin ang ibabaw na parte ng kulugo gamit ang nail
cutter ay tuluyan nang matatanggal ito.
Dagdag pa ng Dermatologist, “the more na ginugupit mo,
the more na nagsi-seed sya o parang nag-iimplant sya, tsaka baka mamaya, kapag
kinukutkot mo, papaloob lalo ang tubo ng wart, mas mahirap na kunin” ani
Dr. Marquez.
Paliwanag pa ni Dr. Jean Marquez, ang pinaka-mabisang
pagtanggal sa mga kulugo ay sa pamamagitan ng tinatawag “Carbon Dioxide Laser”. *
Ang Carbon Dioxide Laser ay isang proseso kung saan sinusunog
ang mga kulugo at mas mabilis ang pag galling, di gaya ng mga regular na
cautering na ginagawa ng iba at ginagamitan ito ng anaesthesia.
Dapat din isaalang-alang na tanging sa mga lisensyadong dermatologist
lamang magpatanggal ng warts.
Payo pa ng doktor na huwag ito sunugin gamit sa pamamagitan
ng kandila dahil baka magdulot lamang ito ng komplikasyon.
Bukod sa Carbon Dioxide Laser, may ilan ring home remedy na
maaring gamitin upang pangtanggal nito. Isa na dito ang paglalagay ng "bawang"
sa parteng may kulugo at tatakpan ito ng bandage. Ang bawang ay mayaman sa kemikal
na epektibong nakakapatay ng mikrobyo at virus na tinatawag na “Allicin”.
Isa pa sa epektibong pangtanggal ng kulugo ay ang “Baking
powder na hinaluan ng Castor Oil”, kung saan paghahaluin ito hanggang maging
paste tsaka ipapahid gabi-gabi hanggang sa lumiit na ang kulugo.
Ngunit paalala ni Dr. Jean, mas mainam pa rin na magpakonsulta sa doctor
upang maresetahan ng tamang gamot, mabigyan ng mga bitamina upang mapalakas ang
immune system, tamang oras ng pagtulog at ehersisyo upang hindi ito
magpabalik-balik.
Anito, maaaring dumami pa ang kulugo kapag pinabayaan. Pinapayo
din ng doctor na maging maingat palagi at maging malinis sa katawan. *
Source: Youtube/Pinoy MD
